J.S. FOODIES (港威商場)

營業中

休息中

上次次排咗1小時15分先有位，今次等咗45分鐘就有位，感覺無咁痛苦😂 （雖然要等咁耐都係好無奈），重點係已經係平日下午嚟，其實佢全日無間斷都係排隊既，無耐性真係唔好挑戰，因為坐得低都重要等有得食，要食個pancake，等25分鐘係基本，鍾意食呢啲嘢既人應該唔陌生。有幸今次坐到窗口位，但係呢段時間應該慣堂落簾的，所以有冇景都無分別喇。我叫咗白朱古力草莓疏乎厘班戟，呢個好明顯係打卡用，要自己拉起營造熔岩效果，外型已經好特別，味道都唔錯，以為白朱古力好甜，原來都唔甜，加埋士多啤梨一齊色感覺好清新。捐軟綿綿嘅忌廉口感好豐富，入邊一家有少少白色朱古力脆粒，對比感好強，期間限定值得試吓。