影片
更多
2023-02-16
232 瀏覽
二月份除咗情人節，仲有好多其他特別日子需要慶祝，其中一餐揀咗嚟食呢間位於中環嘅廚師發板，$998一位共18品，裝修幾明亮簡潔吧枱為主，見到師傅用心製作，每道菜賣相精緻，師傅都有講解，味道同菜式都幾有驚喜，係值得推介嘅omakase~《前菜三款》🔘醬汁燒白子 - 少少焦香味，口感滑嫩入口即化🔘水雲蟹肉 - 蟹肉鮮甜配搭酸酸的水雲好開胃🔘小長井生蠔 - 睇住師傅即場開蠔，約手掌大，飽滿肉質肥美結實，口感甘甜《刺身四點》🔘鯛魚刺身 - 薄切望落好晶瑩剔透，配搭柚子啫喱同新鮮紫菜，可以捲起嚟食，鯛魚肉質鮮嫩非常好食~🔘拖羅 - 中拖羅冋大拖羅各一，富魚油脂嘅甘香，入口即溶🔘宮城帆立貝 - 夠厚身非常鮮甜🔘煙燻鰆魚 - 肉身好肥美，有魚油香，仲加添咗煙燻嘅獨特香氣《炸物》🔘目光魚天婦羅 - 炸粉夠薄，炸漿將魚油香味鎖住，好香口🔘太刀魚春卷 - 幾特別又好食，除咗太刀魚肉仲加咗松露，香味即刻提升~《壽司六貫》🔘金目鯛 - 肉質爽彈🔘沙旬魚卷 - 大愛呢款卷物，紫菜包住肥美嘅魚肉，再捲住飯同紫蘇葉，幾新穎嘅食法🔘北海道虎蝦 - 肉質綿軟中帶彈性，加上蝦籽同蝦膏，鮮味十足🔘醬油漬吞拿魚 - 濃味少少，
《前菜三款》
🔘醬汁燒白子 - 少少焦香味，口感滑嫩入口即化
🔘水雲蟹肉 - 蟹肉鮮甜配搭酸酸的水雲好開胃
🔘小長井生蠔 - 睇住師傅即場開蠔，約手掌大，飽滿肉質肥美結實，口感甘甜
《刺身四點》
🔘鯛魚刺身 - 薄切望落好晶瑩剔透，配搭柚子啫喱同新鮮紫菜，可以捲起嚟食，鯛魚肉質鮮嫩非常好食~
🔘拖羅 - 中拖羅冋大拖羅各一，富魚油脂嘅甘香，入口即溶
🔘宮城帆立貝 - 夠厚身非常鮮甜
🔘煙燻鰆魚 - 肉身好肥美，有魚油香，仲加添咗煙燻嘅獨特香氣
《炸物》
🔘目光魚天婦羅 - 炸粉夠薄，炸漿將魚油香味鎖住，好香口
🔘太刀魚春卷 - 幾特別又好食，除咗太刀魚肉仲加咗松露，香味即刻提升~
《壽司六貫》
🔘金目鯛 - 肉質爽彈
🔘沙旬魚卷 - 大愛呢款卷物，紫菜包住肥美嘅魚肉，再捲住飯同紫蘇葉，幾新穎嘅食法
🔘北海道虎蝦 - 肉質綿軟中帶彈性，加上蝦籽同蝦膏，鮮味十足
🔘醬油漬吞拿魚 - 濃味少少，有鹹香味
🔘海膽 - 海膽多過飯，囗感creamy非常鮮甜
🔘鰤魚 - 即係油甘魚，冬天嘅佢特別肥美
🔘鱈場蟹迷你丼
爽甜鮮味嘅蟹肉，加上再次出場嘅馬糞海膽，食得好滋味~
🔘蝦味增湯
好有蝦嘅鮮味
🔘抹茶奶凍
抹茶味香濃，香滑奶凍加上大大粒日本紅豆，唔使講都知好食~
張貼
