薄荷葉泰國菜

營業中

休息中

一直都覺得呢間泰菜環境幾優閒，所以今晚試下。香葉肉碎玉子豆腐 $108上菜超香，香葉肉碎好夠濃味，玉子豆腐炸過，少少脆好得意 同肉碎出奇地夾。冬陰功海鮮炒飯 $128呢個係我大愛，飯炒到超香，入面嘅好鮮好足料，蝦，魷魚，青口全部都鮮味，唔係冰到啖晒嗰啲。燒香茅牛肉沙律 $168滿滿嘅泰式沙律香料酸酸辣辣勁開胃，意外驚喜係好多牛肉，我食每一啖都有牛肉喺啲配料入面，推介。甜酸魚 $188好可愛嘅一道菜。酸甜度好足好開胃，條魚炸到好脆好香口，加埋啲黃椒同菠蘿，食得好開心。店內另有酒精飲品Menu可以睇下。想食一間比較地道泰葉，我推介呢一間。