影片
更多
2022-04-20
60 瀏覽
何蘭正終於重開啦～強勢回歸我一直都好鍾意何蘭正～港式Fusion風有賣點～呢度無論係Cocktail 定係食物menu都好用心設計 👍🏾今日同個朋友食呢度lunch ～食物方面揀咗招牌伊比利亞叉燒配豬油撈飯 聽個名已經夠吸引 朋友想食魚所以試咗個 咖喱幽庵風味烤三文魚～幽庵燒是和食燒物嘅一種，以特調醬汁來醃食材然後燒烤～呢度嘅侍應會好細心同你介紹佢哋特製嘅cocktail 👍🏾聽完介紹後我哋決定揀Sesame Mochi 同埋Koa’s Special Sesame Mochi 真係好特別 用whiskey 同baileys 加上芝麻同埋花生foam ～似食緊甜品同時間又飲緊酒 仲要好有中西合璧嘅感覺添Kao’s Special 有淡淡的白蘭花味仲有好清新嘅Cold brew鐵觀音茶 好Flesh!食物方面一如以往咁好食 叉燒係少少燶邊加半肥瘦 肉質彈牙 豬油撈飯配埋個溫泉蛋撈埋一齊食 好正試咗少少朋友嘅幽庵風味烤三文魚 出乎意料地好食喎 三文魚好滑 一啲都唔乾 配埋少少帶甜味嘅日式咖喱味 好食甜品我哋叫咗中國百腐乳配法式芝士焦糖燉蛋 賣相好吸引 食落口有少少鹹腐乳味吊味 食到香濃嘅芝
我一直都好鍾意何蘭正～港式Fusion風有賣點～呢度無論係Cocktail 定係食物menu都好用心設計 👍🏾
今日同個朋友食呢度lunch ～食物方面揀咗招牌伊比利亞叉燒配豬油撈飯 聽個名已經夠吸引 朋友想食魚所以試咗個 咖喱幽庵風味烤三文魚～幽庵燒是和食燒物嘅一種，以特調醬汁來醃食材然後燒烤～
呢度嘅侍應會好細心同你介紹佢哋特製嘅cocktail 👍🏾
聽完介紹後我哋決定揀Sesame Mochi 同埋Koa’s Special
Sesame Mochi 真係好特別 用whiskey 同baileys 加上芝麻同埋花生foam ～似食緊甜品同時間又飲緊酒 仲要好有中西合璧嘅感覺添
Kao’s Special 有淡淡的白蘭花味仲有好清新嘅Cold brew鐵觀音茶 好Flesh!
食物方面一如以往咁好食 叉燒係少少燶邊加半肥瘦 肉質彈牙 豬油撈飯配埋個溫泉蛋撈埋一齊食 好正
試咗少少朋友嘅幽庵風味烤三文魚 出乎意料地好食喎 三文魚好滑 一啲都唔乾 配埋少少帶甜味嘅日式咖喱味 好食
甜品我哋叫咗中國百腐乳配法式芝士焦糖燉蛋 賣相好吸引 食落口有少少鹹腐乳味吊味 食到香濃嘅芝士味 配埋無花果醬一齊食 味道好豐富
值得一提嘅係呢度嘅侍應服務態度好好 好有heart去介紹菜式同埋飲品 埋單嗰陣仲問吓我哋啱唔啱食 有賓至如歸的感覺👍🏾
一定會再幫襯
張貼
