影片
更多
2022-12-19
349 瀏覽
幾年前喺紅磡崇潔街附近返工，已經成日食「貴緣小鍋米線」。我冇講大話㗎，2019年已經喺Openrice寫過呢間嘅食評。我一直認為佢係隱世小店，但近排竟然成為爆紅店🔥。夜晚一向靜局嘅崇潔街，唔少餐廳直頭收九點，不過貴緣就相反，平日夜晚八點幾都要等位先入得👏。店舖面積唔大，座位唔多，但至少都算乾淨同唔太逼夾。社交平台關注組有人講米線舖易咗手，啲店員好似係唔同咗，不過餐牌菜式就唔算變咗好多，而且好似仲多咗選擇添，同時亦採用手機QR Code落單📲。第一碗要咗秘製麻辣湯($31)，🌶呢度嘅麻辣係我心目中全港頭三位好食。我要咗小小辣，辣度幾過癮，但唔過火，而且麻味好突出。佢嘅麻係滲透其中，而唔係好多椒籽、黐喉嚨嗰種。麵底要咗紅薯粉，佢係扭紋狀嗰款，望落閃令令✨，質感好Q彈；而且仲夾雜住芽菜同炸醬肉碎，進一步提升滋味。餸料方面，🐔雞肉絲($10)係招牌菜，我每一次嚟幫襯都一定會食，餐廳而家仲將佢推出做小食。但由於太晏嚟已經售罄，好彩淨餸就仲有。雞絲堆到好高，肉質偏嚡，但就非常索湯。甜酸齋($9)又係必食嘅餸，我諗無幾多間車仔麵或米線店有得配。依款餸分開上，大約有七至八件，好抵食。麵筋富嚼勁，滷到酸
夜晚一向靜局嘅崇潔街，唔少餐廳直頭收九點，不過貴緣就相反，平日夜晚八點幾都要等位先入得👏。店舖面積唔大，座位唔多，但至少都算乾淨同唔太逼夾。
社交平台關注組有人講米線舖易咗手，啲店員好似係唔同咗，不過餐牌菜式就唔算變咗好多，而且好似仲多咗選擇添，同時亦採用手機QR Code落單📲。
秘製麻辣湯紅薯粉
13 瀏覽
0 讚好
0 留言
麵底要咗紅薯粉，佢係扭紋狀嗰款，望落閃令令✨，質感好Q彈；而且仲夾雜住芽菜同炸醬肉碎，進一步提升滋味。
雞肉絲
$10
4 瀏覽
0 讚好
0 留言
甜酸齋
$9
18 瀏覽
0 讚好
0 留言
特濃新鮮蕃茄湯米線
7 瀏覽
0 讚好
0 留言
麵底要咗米線🍚，我自己就覺得相對失色，因為煮得淋咗啲，而且份量比較少。
餸料方面，呢碗要咗秘製腩肉(微辣)($10)、冬菇皇($9)同滷水雞翼($10)。呢幾款餸都OK，🐷腩肉幾入味，無太多肥膏，但稍為細塊。相反，冬菇同雞翼均係加大碼，兩樣都值得一試。
娃娃菜
$13
3 瀏覽
0 讚好
0 留言
皮蛋豆腐($24)，呢個小食又係能夠品嘗到出色嘅麻辣味。⚪️豆腐應該係用上包裝百福豆腐，口感相當滑溜，但略嫌皮蛋少咗啲，又碎濕濕。
總括嚟講，貴緣米線好高質😋🍜，多年來保持高水準，無令人失望。我見到佢最近成為大熱人氣店，彷彿有啲感動，因為好似終於出人頭地🙈。
軼事一則，我哋今晚都成八點先去到，有某幾樣餸同小食都賣晒。我早一步落咗單，所以仲有幸食到雞絲，但搭枱個女仔見到我有得食、佢冇，就大為激動話明明佢落單先……，仲起身走咗。店員大感無奈，仲同我講唔好意思😅，其實我又點會怪責呢，都唔關佢哋事。佢哋好好人、勁忙碌，但仍保持禮貌。如果特意前來到訪的話，我建議早少少到達，咁就可以盡量避免任何不愉快，食到心頭好！
張貼
