影片
更多
2012-07-30
304 瀏覽
之前為左慶祝個女憑真正食力，無後台，無介紹之下考到小學第一志願，所以諗住一家人兩大兩細豪吃擦一餐，睇雜誌見ICC有一間米芝蓮三星的日本懷石料理「天空龍吟」開張，於是打電話去book位，但係餐廳話唔招待小童，好在費左一番唇舌之後，餐廳都肯破例安排天婦羅喬麥麵俾我兩個小朋友。當晚上到去，個夜景好鬼靚，店長介紹有十道菜色，第一道係一個粟米加埋蝦湯既高湯啫喱，賣相好靚，食落好有蝦既鮮味又帶d清新既感覺… 之後係我最like既炸海膽，海膽由米紙包住，又脆又香口，海膽好鮮甜，正。之後既煮鮑魚都好鮮味，浸住既湯帶d薑味，唔錯… 喜之次湯既魚肉又滑又鮮味，之前食過煎既喜之次魚，今次食又係另一番風味。刺身拼盤唔算好突出，勝在新鮮。之後就係我最愛既鰻魚，呢度既鰻魚特別大件，而且用備長炭黎燒，配埋個特製汁，真係超好食，係香港其他地方食唔到。另一推介係黑毛和牛，和牛肉味濃又juicy，好肥美。反而之後既北海道毛蟹飯就好一般，淡味左 d蟹肉唔算多。好在之後既招牌甜品即時加返分，係一個吹糖造型既芒果甜品，裡面係芒果味濃既糖粉，配埋芒果肉，個口感好得意，我個小朋友勁鐘意。最後既sake慕絲甜品好滑好特別，加埋個蜜瓜
之前為左慶祝個女憑真正食力，無後台，無介紹之下考到小學第一志願，所以諗住一家人兩大兩細豪吃擦一餐，睇雜誌見ICC有一間米芝蓮三星的日本懷石料理「天空龍吟」開張，於是打電話去book位，但係餐廳話唔招待小童，好在費左一番唇舌之後，餐廳都肯破例安排天婦羅喬麥麵俾我兩個小朋友。
當晚上到去，個夜景好鬼靚，店長介紹有十道菜色，第一道係一個粟米加埋蝦湯既高湯啫喱，賣相好靚，食落好有蝦既鮮味又帶d清新既感覺…
之後係我最like既炸海膽，海膽由米紙包住，又脆又香口，海膽好鮮甜，正。
之後既煮鮑魚都好鮮味，浸住既湯帶d薑味，唔錯… 喜之次湯既魚肉又滑又鮮味，之前食過煎既喜之次魚，今次食又係另一番風味。
刺身拼盤唔算好突出，勝在新鮮。之後就係我最愛既鰻魚，呢度既鰻魚特別大件，而且用備長炭黎燒，配埋個特製汁，真係超好食，係香港其他地方食唔到。
另一推介係黑毛和牛，和牛肉味濃又juicy，好肥美。
反而之後既北海道毛蟹飯就好一般，淡味左 d蟹肉唔算多。
好在之後既招牌甜品即時加返分，係一個吹糖造型既芒果甜品，裡面係芒果味濃既糖粉，配埋芒果肉，個口感好得意，我個小朋友勁鐘意。
最後既sake慕絲甜品好滑好特別，加埋個蜜瓜凍湯就好圓滿。
雖然之後埋單呢餐都勁甘，但overall 菜式黎講真係好別致同好味！正~張貼
