Backyard (已結業)

聖誕假期難得過開荃灣區，一於睇下open rice既介紹~搵到呢間西餐廳，好似幾好喎，打個電話黎book位，26/12就算早一日book都有，店員話分兩輪(11點同1點)，我地揀左後者。準時1點入坐，店員全都是年青人，難得的有禮貌和耐性服務食客。當日有semi buffet(sorry無影到相)，再加埋main既餐牌，可以任選一，價位大約128-168左右未加一。我點了個紅鮪魚餐，老公就叫了他常吃的漢堡。由於他喉嚨痛，所以弱弱的問下店員個薯條可否轉其他食物，又意外地轉左個沙律比我地讚!講下semi buffet先，我地一早舀左個湯，一飲先發現原來係麥皮，跟住聽到隔離檯都有同樣既疑問~下次大家再去如果見到疑似忌廉湯，可以先問下店員以確定喔又或如果放個牌子，就會更清楚。Semi buffet的選擇多，有沙律，甜品仲有自製格仔pancake機，易用又好味。到主菜，我個紅鮪好大塊，賣相非常好，且啖啖肉。不過，我食開既紅鮪多數都係中餐蒸，今次西餐感覺佢有點結實份量搭夠。呢間值得推介，下次黎荃灣都會考慮再探佢