Our Little Dream (已結業)

好耐都冇食過西餐啦，今日難得放假，所以當然要去搵好嘢食啦！🤤去咗一個遠離繁囂嘅地方，入咗將軍澳海旁，呢度環境好清幽！而且呢間餐廳嘅環境非常舒適！~~~~~~~~~~推介食物:西班牙烤乳豬成碟乳豬都冇骨㗎，好正！😆😆廚師已經預先去骨，所以更加方便進食！而且上面有菠蘿，呢個菠蘿係用咗牛油煎香，所以會有牛油嘅香味再加埋菠蘿嘅甜味！醬汁方面用咗新鮮嘅蘋果蓉，所以味道方面都係甜中帶酸！另外仲加咗少少剝咗皮嘅紅椒，有好香濃嘅紅椒味，但係一啲都唔會辣！至於呢個乳豬係好中式嘅做法，外皮非常香脆！而且香脆得來有一種鬆軟嘅感覺！好特別嘅口感！而且呢個豬肉好香好滑！配合晒所有配料一啖擺落口嘅感覺好爽！無論味道定係口感都好豐富！會有食到蘋果同菠蘿嘅甜味，然後就會有乳豬嘅肉汁，再加上後邊有多少少紅椒嘅香味！真係好有法國菜嘅感覺！估唔到一間小店都可以食到咁出色嘅食物！！絕對係值得推介！！