MOO MOO Plus (百德新街) (已結業)

又去咗銅鑼灣，一如以往去最鍾意逛的百德新街。人地多數係去百德新街shopping，我呢d平民就純粹去window shopping + 醫肚。今次㨂左位置較為角落食西餐的Moo Moo Plus。店內座位寬敞，極適合一班朋友開個小型Party，剛巧我進餐當天就撞正有家長為小朋友慶祝生日，氣氛十分愉快。店門外也有擺放枱椅，食客也可坐於Outdoor，可以邊食邊食兼且欣賞下維港。Mussel Risotto With Tomato Sauce – Lunch都幾多選擇，蕃茄汁底一定唔輸，配上鮮味十足的藍青口同軟韌度適中充滿口感的Risotto，好簡單菜式，已經很美味。Seasonal Seafood Linguine – 份量都足夠，藍青口、鮮蝦同帶子都好新鮮，扁意粉的口感是我喜歡的，唔係軟淋淋既，係我比較喜歡有d咬口的質感。Chocolate Lava Cake – 心太軟配呍呢嗱雪糕，好正！但如果可以再流心一點就Perfect。