影片
更多
2015-10-31
1675 瀏覽
呢間餐廳係住灣仔嘅朋友極力推薦，話已經當了飯堂咁濟！今日同肥髀去灣仔買嘢！想食個Light tea! 就去呢度試下！門面簡潔，入內黑白主色，型格唔花巧！不過近窗座位已滿，地下唔太多座位，店員問我們介唔介意坐吧枱，呢個正中肥髀下懷，佢最鍾意坐高櫈！高櫈無靠背，幸好座位夠闊！都唔易跌！店員放低簡單卡紙餐牌就行開！食物以西式全日早餐加啲多士類食品，飲品咖啡類最多！揀好就落單！店員好快回應！食物要耐心等待，先出飲品，等10分鐘就上埋食品！期間悠悠閒觀賞下餐廳House cured salmon with poached egg on toast($98)賣相靚！鮮味三文魚上面舖了幾款香草，增加了香味！自家製三文魚味道鮮（應唔係醃得耐）無腥味！唔使落檸檬汁！下面墊超薄青瓜片！好juicy,易咬開！所以增加了爽口嘅口感，味道超好！另一片上面極簡單比咗隻水煮蛋！蛋白剛剛熟，蛋黃流心，啜晒啲蛋黃汁，好香濃蛋味，蛋白夾香脆多士好味！唔使額外調味已經好得！Regular white($38)拉花靚！香濃易入口，咖啡唔澀！不過上咖啡時無上埋糖，問店員佢指向牆邊幾個白色瓦罐！原來呢度係要自己去落糖！啡糖好夾咖
呢間餐廳係住灣仔嘅朋友極力推薦，話已經當了飯堂咁濟！今日同肥髀去灣仔買嘢！想食個Light tea! 就去呢度試下！門面簡潔，入內黑白主色，型格唔花巧！
不過近窗座位已滿，地下唔太多座位，
店員問我們介唔介意坐吧枱，呢個正中肥髀下懷，佢最鍾意坐高櫈！高櫈無靠背，幸好座位夠闊！都唔易跌！
店員放低簡單卡紙餐牌就行開！食物以西式全日早餐加啲多士類食品，飲品咖啡類最多！揀好就落單！店員好快回應！食物要耐心等待，先出飲品，等10分鐘就上埋食品！期間悠悠閒觀賞下餐廳
House cured salmon with poached egg on toast($98)賣相靚！鮮味三文魚上面舖了幾款香草，增加了香味！自家製三文魚味道鮮（應唔係醃得耐）無腥味！唔使落檸檬汁！下面墊超薄青瓜片！好juicy,易咬開！所以增加了爽口嘅口感，味道超好！另一片上面極簡單比咗隻水煮蛋！蛋白剛剛熟，蛋黃流心，啜晒啲蛋黃汁，好香濃蛋味，蛋白夾香脆多士好味！唔使額外調味已經好得！
Regular white($38)拉花靚！香濃易入口，咖啡唔澀！不過上咖啡時無上埋糖，問店員佢指向牆邊幾個白色瓦罐！
原來呢度係要自己去落糖！啡糖好夾咖啡！
Fresh orange juice($45) 只有一款果汁，價錢唔平，唔係現成果汁，真係即搾！所以味道夠鮮！唔會死甜！好味！店員好爽手有禮！下層氣氛好悠閒，大家靜靜食嘢傾偈！樓上唔知係唔係包場開派對，好熱鬧，我在樓梯下等去廁所都聽到樓上好嘈！廁所好細，尚算乾淨，只係廁所板係甩嘅！
明白朋友力讚，食物用心！好新鮮！自會有識貨嘅人欣賞！
張貼
