宏 (已結業)

今日放工約左朋友去黃埔睇戲，入戲院前當然食晚飯先啦知我鐘意綠茶甜品，佢帶我來呢間食日本西餐我哋七點半嚟到人唔多，環境幾好坐得好舒服，適合一班人傾吓計食飯睇完個Menu我地點左以下食物。最鍾意食魚嘅我今日點左鰻魚飯，賣相已經攞滿分💯值得一提嘅就係嗰杯紅茶，真係好香濃，果然有驚喜。而個烏冬同埋沙律都唔錯鰻魚真係好好味，啲飯係日本米煲嘅食落好有口感重點係個份量都唔細朋友叫咗個牛肉飯，份量都唔細，佢表示牛肉不會太肥，加埋啲肉汁真係冇得彈係咪見到已經流晒口水呢個set包左件蛋糕，我揀抹茶味，朋友揀芝麻味兩款都好香濃，又不會太甜真係唔錯嚟到呢度點可以唔試抹茶甜品呀呢款叫抹茶芭菲十級推介😎個綠茶雪糕勁重綠茶味，又不會好奶而下面就有綠茶啫喱同埋綠茶味嘅糯米糍，不會好甜，非常鍾意。未食已經覺得好好味，賣相一百分士多啤梨pancake原來淨係黃埔呢間分店先有的，點都要試吓啦。嚟到嘅時候好香，見到已經好吸引，不過pancake食落就覺得好甜，反而朋友就覺得好好味兩個人埋單食咗五百幾蚊，唔平不過耐不耐一次都OK嘅。總結: 今日食物嘅質素同用餐經驗會令我再次幫襯