鼎記 (已結業)

經常會同媽咪去行街，今日就行波鞋街行咗一陣就想搵啲嘢食下，去到豉油街附近有好多食店，見到一間門口金色望落去好乾淨嘅舖頭，加上門口店員非常之有禮貌，所以就入去試吓 鼎記 入到去見到裝修好光猛，而且大部份都係卡位，望落去又乾淨，感覺非常之好水煮牛肉鍾意食辣嘅朋友一定要試吓，水煮牛肉特別滑，而且味道非常之香辣，加上有芫荽，各種嘅調味令到牛肉入口有牛肉嘅香味，跟住就有少少辣味，味道好有層次，豆腐卜就吸晒啲辣味，食落去好正冰鎮菠蘿咕嚕肉 嚟到鼎記一定要試吓呢個冰鎮菠蘿咕嚕肉，賣相非常之好，咕嚕肉用冰鎮嘅方式上碟，可以令到肉汁鎖住，食落去特別爽口，咕嚕肉嘅甜酸醬，酸酸甜甜非常之開胃，可能有冰鎮住嘅關係，連菠蘿都特別爽甜 呢個冰鎮咕嚕肉真係非常好味，好值得推介最後當然要試吓佢呢度嘅串燒，因為即叫即燒嘅關係，所以都要等10分鐘左右，串燒新鮮熱辣，加上調味粉調校得好香，入口少少辣，跟住就食到食物嘅鮮味，令到食物味道更加突出，我最欣賞就係燒雞全翼，雞皮燒到好香口，雞肉非常之嫩滑，而且多汁，完全食到食物嘅鮮味，非常之滿意埋單價錢非常合理，性價比好高，事頭婆仲好好人，問我食物有冇地方要改進，好欣賞佢嘅態度所