三代目 (愉景新城)

營業中

休息中

去到呢層好多食肆，發現好野，呢間係我friend食過話好食嘅，我就黎幫襯下。慢煮醬汁燒牛肉燒丼個牛舌超級軟淋又juicy，個醬汁加上溫泉蛋口感變得豐富。彩虹凱撒沙律竟然咁有heart有橙同好香甜嘅芒果粒，係啦又係有隻溫泉蛋樣靚又增加味道層次，滿佈芝士粉嘅沙律菜，值得一讚。好鬼鮮甜新鮮嘅鮮海膽一口壽司，賣相相當有水準，一啖放入口嘅size feel到強烈鮮味都幾正。和風芥茉豚足似足日式熏蹄，但更嫩同醬汁較香甜，伴碟沙律菜都幾好食。豚肩叉燒拉麵湯底做得唔錯；至於吉列牡蠣夠香鬆脆，蠔肉keep住鮮甜，兩樣都係中上quality。料理黎講價錢合理但食物質素都算高，值得推介。