影片
更多
2018-03-24
598 瀏覽
一大班朋友食飯最頭痛就是要搵地方，而且我哋又飲酒，所以叫酒或計埋開瓶費都幾貴。呢間餐廳我食過幾次Lunch，同個老闆都熟，講開我話頭痛揾地方，佢話不如就喺佢餐廳食，十幾人仲可以包場，可以自己帶酒，免收開瓶費。既然咁，唔使惗，就book左噚晚食。外面西餐廳，通常都係芝士拼盤+Parma Ham，沙律， 湯，意粉，牛扒 ，甜品，千萹一律，我同老闆講話我唔想再食呢類嘢，整啲新意思，由佢廚師發板，唔需要話比我，佢話好，結果過了一個非常滿意又開心嘅晚上。頭盤- 菊花醉雞卷，冰梅漬聖番茄仔，冰鎮芥茉秋葵。 全部開胃菜，配Sparkling Wine一流。跟著楓糖法式多士，用嚟頂胃，冇咁易醉。下一道菜，流心蛋蘋果山楂醬伴脆肉瓜青瓜意大利冷麵，味道清新，和Sake絕配。跟住係主菜，黃金笑哈哈(蝦)，外面通常鹹蛋黃蝦非常油，鹹蛋黃包住整隻蝦，又漏又滯，好中式，但係佢嘅做法非常乾身，你見唔到鹹蛋黃，但係會食得出好濃嘅鹹蛋黃味，好好味。另外就係八寶雞，呢個真係要推介，非常，非常之好味，一般西式雞會好乾好鞋，但係佢哋做得好滑，好有雞味，雞肚有糯米飯，糯米飯非常之甜，原來佢用左桂圓紅棗杞子蝦米一齊煮，喺外面真係
外面西餐廳，通常都係芝士拼盤+Parma Ham，沙律， 湯，意粉，牛扒 ，甜品，千萹一律，我同老闆講話我唔想再食呢類嘢，整啲新意思，由佢廚師發板，唔需要話比我，佢話好，結果過了一個非常滿意又開心嘅晚上。
頭盤-
菊花醉雞卷，
冰梅漬聖番茄仔，
冰鎮芥茉秋葵。
全部開胃菜，配Sparkling Wine一流。
跟著楓糖法式多士，用嚟頂胃，冇咁易醉。
下一道菜，流心蛋蘋果山楂醬伴脆肉瓜青瓜意大利冷麵，味道清新，和Sake絕配。
跟住係主菜，黃金笑哈哈(蝦)，外面通常鹹蛋黃蝦非常油，鹹蛋黃包住整隻蝦，又漏又滯，好中式，但係佢嘅做法非常乾身，你見唔到鹹蛋黃，但係會食得出好濃嘅鹹蛋黃味，好好味。
另外就係八寶雞，呢個真係要推介，非常，非常之好味，一般西式雞會好乾好鞋，但係佢哋做得好滑，好有雞味，雞肚有糯米飯，糯米飯非常之甜，原來佢用左桂圓紅棗杞子蝦米一齊煮，喺外面真係未食過。
之後，佢哋好細心, 先嚟一道小菜，黑松露元貝壤秋葵，等我哋食完兩個主菜先唞一唞。
再嚟就係
慢煮梅子豬肋骨和
肉桂水果牛肋，配紅酒最好。
仲未完，下一道菜系冰花餃，見個樣已經想食。
食到唔停得口，跟住還有左酒嘅山賊手羽(雞翼)。
甜品係疊豆花茶生乳卷，味道清新，好有茶味。
呢度除咗唔收開瓶費外，另一個好處就係門口可以停車，我有朋友唔飲酒有揸車，泊喺門口非常方便。
呢間餐廳真係真心值得推薦，佢哋煮嘢好有誠意，而且好好味。仲幫我哋慳咗好酒水錢。埋單平均每人$400左右。
張貼
