少爺泰 (已結業)

少爺泰離沙田圍站唔算遠，大概行5分鐘就到，尚算方便。平日夜晚黎到，全場幾乎滿座，想夜晚幫襯一定要記得book定位！唔係炒既街頭泰北生菜包不過不失，肉碎微辣，想食得健康嘅人可以試下。Combo小食拼盤（大）全晚最欣賞菜式之一，春卷香脆，雞腿內有芝士，另外肉丸同蔗蝦都好有水準。 馬拉盞炒通菜呢道菜本身就好難失手，比較濃味，送飯一流！溶岩椰青海鮮焗飯食到呢個時候已經飽得七七八八，點知仲有驚喜。蝦同青口好鮮甜，但因係落左椰漿，令呢道菜似甜品多D，甜而不膩，仲有椰青水飲添。公主/迷紅小象/驅魔師沙冰三杯特飲都係水果沙冰，不算太甜，而且真能食到果肉。 成餐飯都好滿意，環境都好舒服，唔會坐得好迫。沙田特色嘅餐廳唔算好多，少爺泰絕對值得推薦。