全日雞實驗所

營業中

休息中

利申：非廣告文‼️唔講唔知呢間餐廳未搬之前係西九龍中心一間熱門餐廳，好可惜佢搬左舖之後好似唔太多人留意到咁😢 而我自己都係係呢頭返工先知佢嘅存在🥲🥲每次幫襯都係openrice外賣自取，外賣黎講質素理應打個八折，但呢間餐廳就保持到水準，每次叫海南雞飯餐，份量足之餘，啲雞起碼有十件，啖啖肉，個飯係椰香飯，會令人想爬多幾啖飯。而且佢亦會送埋椰子雞湯，溫度都夠熱，最後仲包埋杯冷泡茶！重點重點係，佢個海南雞飯係跟左三款醬：泰式辣醬、黑豉油同埋磨到好幼好幼細嘅薑蓉，作為醫汁之鬼嘅我真心推介呢度嘅醬汁，真係超水準🤤🤤我自己好少打食評，今次發表係因為佢真係值得擁有更好！唯一少少挑剔嘅係佢杯冷泡茶可以再濃返少少🤣 希望佢可以係和富呢個死場繼續生存到，有更多人知道呢間高質又抵食既海南雞飯專門店🥹🙏🏻