MUM 日常野菜料理 (已結業)

MUM口碑已經係我朋友圈一段長時間，只不過我好少去新蒲崗，所以一直未試到。今次過嚟食係特登搭左40幾蚊的士過嚟。如果呢間店再搬，可唔可以去啲交通便利少少嘅地區😅😅餐廳嘅外觀門面裝修，清雅簡約，食個飯都可以幻想下自己離開咗香港（一陣咁多）。今次係過咗主要食飯時間先至過嚟，所以餐廳唔算人多。睇返餐牌揀午餐，由於未食過，我請店長幫我選擇四款，咁佢幫揀咗：柚子醋漬蕃茄赤味噌田樂豆腐野菜天婦羅薑蔥汁煮茄子五穀雜炊飯餸同飯嘅份量唔算多，如果大食嘅朋友應該會唔夠飽😅4款餸味道唔錯，但係我最欣賞嘅係佢嘅五穀雜炊飯同野菜天婦羅😂😂無論食唔食素，都可以走過來試呢間！