板上 (桂林街) (已結業)

深水埗對我嚟講一直都係一個樂土，佢多平嘢買之外，美食就更加之多。每次嚟到深水埗，不外乎都係迫下開倉雜貨店，去附近買下整平革所需嘅用品，最最最重要嘅當然係周圍搵食啦，咁今日就試下板上啦。睇個menu就知佢夠抵食，又吸引。一接到個飯。哇！乜份量咁多嘅。試下你咩料先。牛肉粒有牛味，而且咬落去有肉汁咇出嚟，唔會得一味死咸味。而個魚一啲都唔腥。整體嚟講成個飯性價比超值。我覺得呢間小店值得大家支持一下。唔係一味幫襯連鎖集團。