616牛肉火鍋專門店 (威非路道) (已結業)

呢間餐廳開咗一段日子，但係疫情關係上年都晚事冇乜見佢開門。 呢個排香港疫情ok返先多咗出去食飯。 所以特登嚟支持下。 其實之前食過西營盤嗰間，一直都好掛住。今次特登試天后店。店面裝修同西營盤比 好普通， 我估應該用返原有上手嘅裝修。 食物方面主要係食牛。 可供選擇嘅部分好特別， 大部分都好味（ 不過印像中西營盤店啲牛好啲)。 湯底唔係好多款但係都ok嘅。 我哋都鍾意佢啲滑類。不過啲餃子就爭啲。 另外醬料選擇都好多，可以自己慢慢混醬。職員好親切。 價錢OK。 整體嚟講 ，食完屋企人都開心咁啦。