北海道牛乳蛋糕

營業中

休息中

一路都好想試lee間北海道牛乳蛋糕。 佢每日限定出餅。 一出爐，好快就會冇晒。 今日咁啱經過, 竟然鹹蛋流心芝士蛋糕剛出爐，更係即刻入去買先。然後, 其他撻款都仲有, 就買多幾個撻先。鹹蛋流心芝士蛋糕, 真係不負眾望, 好好味。 佢既北海道牛乳味本身都好香, 加埋少少鹹蛋既鹹香同芝士超夾, 仲有d流心既creamy感覺真係好正。 唔會膩, 所以同屋企食, 好比會食晒。跟住仲買左金寶肉桂蘋果批，超香蘋果味，仲要大大粒果肉。 因為好鍾意食蘋果批, 所以真係忍唔到口。沖繩紫薯芝士撻, 賣相已經好靚，食落好香芝士味，仲有少少紫薯，好滑。 京都抹茶忌廉紅豆撻，相對比較甜, 但可接受。 本身抹茶同紅豆已經係絕配, 而佢既cream都係做得好細緻，口感非常好。最後試左個錦爽磨菇芝士雞批。 非常足料，因為通常雞批都會厚皮, 但佢又唔會。 有好大粒雞肉, 而且好香, 個皮都唔易散。真係好用心做既糕點。 果然係值得食。