Blue Brick Bistro (已結業)

早排見有任食生蠔優惠，緊係要黎試下啦！只要每人點一個主菜，除左任食新鮮生蠔，仲有得任食薯條！真係好驚喜生蠔來自日本兵庫縣，大大隻，好厚肉，沒有海水味，所以唔鹹，仲好creamy,鮮甜，蠔邊係爽的，好特別。每次叫就半打咁上，仲配有兩款醬汁，其中一款係泰式辣汁，同蠔味都好夾，正！薯條即叫即炸，粗粗的，熱辣辣，配三款醬汁食唔停！Happy hour 期間，任何飲品就叫一杯，第二杯會半價！我試的BB punch 略甜，下次試其他。啤酒都係買一送一，一班朋友來，一邊飲啤酒食薯條都幾過癮。兩個主菜都好有水準，海膽舞茸菇意大利飯和露筍舞蓉菇炒扁意粉，意粉感覺多油左，不過露筍大大條無渣，又爽！