euro go go (已結業)

外賣要由落單、運送到手，順風順水、順順利利也不是必然。今日我哋上Deliveroo見到Euro GoGo 買滿$200有七五折（Foodpanda有八折），於是馬上叫齊同事落單叫外賣。Euro GoGo其實選擇唔少，有廚師精選（田螺/雞翼/靑口）、pizza一份/半份、沙律、意粉、蔬菜/薯蓉、薯皮，連甜品都有。我本身好鍾意食佢嘅「慢煮雞肉沙律」，雞肉肉質唔鞋；沙律菜新鮮好味、份量雖然不多，有少許甜甜地綠色醬喺菜面，另附上芒果同cream（白色我估係cream)。呢個沙律值得推介。之前試過磨菇、田螺、薯皮、甜品大部份都好好食，尤其薯皮個個都話好味。我自己就特別喜歡佢哋嘅「鮮茄芝士蘑菇」，好多濃香嘅茄汁浸住磨菇。今次試意粉，叫「意式青瓜鮮茄磨菇意粉」，本身用Deliveroo叫無得加remark，惟有打電話去餐廳，試吓問可唔可以意粉同鮮茄汁分上，職員同廚師講，起初答唔可以，但後來又答：「做俾佢喇！」好彩分咗醬，因為個醬好多好濃，如果全部一次過加哂，對我來講就會好咸。所以要稱讚下職員同廚師肯變通，能配合顧客嘅口味。其他同事叫pizza，百寶薄餅半份+煙肉芝士蘑菇薄餅各半份，味道也不錯，當然堂