麻辣風雲 (京都廣場) (已結業)

今日終於星期五放假就同朋友去咗好多人推介呢間川菜食，佢呢間除咗銅鑼灣分店仲有旺角分店等等，我哋上網見到佢嘅裝修環境都好特別而且非常適合打卡，我哋就決定去試吓。🥣酸辣湯 ＄38, 椒鹽魷魚鬚$148🦑佢個湯唔會做得太酸，酸辣湯鋪滿材料加上雞蛋絲非常豐富。個椒鹽酥炸魷魚鬚炸到金黃色。🍞炸饅頭 ＄58🍞永遠令人期待的菜式，打卡一流. 除咗賣相吸引之外，炸饅頭本身都好好食。饅頭外皮炸到酥脆金黃色，入面依然鬆軟。不過最好有3個人以上先叫，兩個人分享，每人要食3舊會搞到有少少飽。🐟酸菜魚 ＄268🐟話明係招牌菜梗係要食啦，我叫咗小辣同小酸，酸辣程度剛好。入面嘅配料仲有芽菜、酸菜、金菇同埋豆腐卜，十分豐富。魚肉份量亦都好多，魚肉仲嫩滑唔嚡，魚皮一啲都唔韌。