秀樺廚房 x The Edible Projects (T.E.P.)

營業中

休息中

其實經開好多次，都係撞正滿座包場今日星期六嚟到竟然有位就立即試叫咗幾樣嘢（一）小食拼盤：個長長嘅春卷推薦，香口足料、炸魚手指唔會太乾身夠熱仲有汁嘅、炸雞同雞翼就還好。（二）雨衣甘藍豬肉餃子：個湯頭竟然無求其調味！味同香都好夠，配煮熟咗嘅雨衣甘藍（少少甘味）同豬肉餃子🥟就好好（三）柚子紅茶：幾好，但我叫熱佢份量足飲得慢，可能有得坐熱住更好（四）Choco-Misu:用椰奶代替芝士做嘅Tiramisu ，一來無咁滯、又夠滑身、甜味適中。好👍嗱，慢工出細貨，店家佢哋有心機做，大家真係唔好心急趕趕趕，放空下個人再食好嘢，一樂事也。