岩石牛扒屋 (已結業)

29.05.2021今日跟同事一齊來岩石牛扒屋試新嘢，上Open Rice見不少好評，所以特意來試試。打電話book位，職員有禮指示我用WhatsApp 留低資料訂位，好快就回覆我，好方便呀。去到坐下已經不少客人用膳中，牆上貼滿了五、六十年(或者更久遠...）懷舊的照片。我們分別叫了「岩石燒西冷牛扒」、「岩石燒法式羊架」同「岩石燒牛仔音」，原來午餐不是每一款讓你自己岩石燒，牛扒同羊架碟上，牛仔骨就岩石燒。分量也不少，牛扒不夠熱，但味道同肉質鮮嫩；羊架同事說太生，所以放上岩石燒，而另一個牛仔骨在石上自己燒，好有新鮮感，好味道，可能有油，會彈到手同身上，自己要小心一點。午餐包餐湯或沙律，我們選擇了沙律，分量算多，味道佳。還有餐飲，揀了特飲茘枝紅茶（加$8）、檸檬利賓納（加$5）。下次要來食晚餐，試試真正的岩石燒。