Wheatfield X 羅宋湯專門店 (東薈城) (已結業)

▾#Serena食食食旅客數目銳減，最好係做乜？就梗係行吓平時比佢哋行晒嘅地方啦！所以，今次我去咗新裝修完冇耐嘅東薈城行下街，肚餓就上咗去7樓度搵嘢食。見到成間舖橙色咁，就好自然行埋去睇下啦。見到啲羅宋湯幅相好吸引加上我又唔係特別太肚餓，所以就決定入去飲下湯食個包坐下。Menu上介紹佢哋呢一種係叫做【海派羅宋湯】咁就試吓有咩咁特別啦。職員態度一個好一個差，記得係短頭髮嗰個麻麻哋，嗰陣時唔係繁忙時間，所以都唔知點解。成個餐好簡單，就係羅宋湯、餐包、沙律同埋杯嘢飲。個羅宋湯一飲，就係類似2046、花樣年華嗰種舊式西餐廳嘅羅宋湯囉，就係咁。餐包就係餐包，沙律如果冇咗啲青瓜會啱食啲，不過呢啲好睇人。凍檸茶就凍檸茶，以$70左右來講，就好睇啲位好唔好坐啦。我坐嗰個係半卡位嚟嘅所以都唔錯，休息完就繼續血拼。🔸 Wheatfield X 羅宋湯專門店📍東涌東薈城二期名店倉7樓703號舖📲 2566 6607▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸🔱S指數🔱（滿分為5）美味度：👅👅👅打卡度：📸📸裝潔度：✨✨✨✨回頭度：😍店員態度：✅✅---------———————總推薦度：💓💓💓▸▸▸▸▸