禾庭手工火鍋 (已結業)

今日港島同朋友港島區行完山，去銅鑼灣揾野食，無意間見到衣間新開手工火鍋店。好彩我地大約6:30多到達，一黎到就有位。而地點都幾方便，一出銅鑼灣C出口地鐵站就見到。店員服務都幾好，問我地食唔食得辣，就推介我地湯底 - 火焰鮮鮑魚蛤大盤雞煲。個鍋黎到店員係我地面前先倒酒落鍋再點火，令酒味揮發到最香，之後當然我地相機食先，成個煲勁多蛤，鮑魚都有好多隻，好足料！我地點左多款火鍋料，特別推薦：手切頂級小牛排，牛好新鮮，好有牛味。值得一讚係三色烏結糖，原來係用墨魚滑整，有3種食材而做，包括原味、南瓜、波菜味，打咭一流。即炸脆炸響鈴上台仲熱辣辣，又脆口。原隻鳳尾蝦餃，超有趣，個餸子包住隻蝦，口感好新奇。好多菜式仲想試，但已經勁飽，下次要帶屋企人黎再試。