亞婆豆腐花

營業中

休息中

我本身都係住大埔，但係就從來未試過食呢間亞婆豆腐花，咁岩今日行過，見到咁多人排隊，又聽過呀媽講好食，就去試下，條龍都幾長，排到去紅綠燈左加右啦，10分鐘就到我。聽人講加左價，而家係$7蚊碗，外賣加一蚊，間鋪頭都幾細，堂食有得坐都係得兩三個位，其他人堂食都係企埋一邊快快手食完就走，我叫左碗凍既，佢同我講唔係好凍，少少凍架ja，可能真係太多人雪唔切啦，無咩所謂，唔係落左好多黃糖，一食落口，嘩，真係好滑，好耐都無試過食咁滑既豆腐花，就算我去鹿頸食豆腐花，都唔夠呢間好食，講豆味，其實比較淡，但係講真，有幾可食到咁滑呀？仲要7蚊一碗，真係物有所值，值得去食！