Lo Spazio (已結業)

餐飯好唔好食，取決於同邊個一齊食😆係一個傷心憤怒既日子，想出去食餐飯散下心。烤有機雞胸沙律🥗用左貴價既火箭菜、Feta，有機雞胸肉，配搭同味道都係咁出色。慢煮鴨腿意大利飯唔多地方食到鴨腿，所以有鴨腿食我必定會點。呢度又整得唔錯。鴨腿烤到香脆但不會乾。意大利飯個忌廉汁好香濃但不會膩，因為冇加芝士。磨菇多d好！Catch of the day😍成盤大蝦，大蜆、青口，輕輕用牛油加上湯煮帶出鮮味！👍🏻👍🏻食到呢度已經好飽，仲想食埋個Waffle! 即製Waffle，外脆內軟又熱辣辣已經贏咗。topping 有兩大球朱古力雪糕，雖然呢個唔係大牌雪糕，但都好好食！飽到傻都要食晒！成間餐廳都係外藉員工，好好禮貌，會一路留意你有咩需要，要讚。仲想講下餐廳會看到銅鑼灣夜景，餐廳播住音樂，氣氛令人舒服自在。