影片
更多
2010-07-03
151 瀏覽
首先申報, 舊hugo's我從未到過, 所以, 對此"老店"並無情意結.對於從新再開嘅hugo's, 之前睇食評見好壞參半. 唔好嘅原因, 好多都係因為覺得新舊對比下有一種新不如舊嘅感覺.是晚係第2次到此"老店"用餐. 第一次嘅用餐回憶感覺良好, 所以總想再嚟一次. 無耐呢間餐廳每星期五及公眾假期前夕都異常難book位. 是夜我亦早於3星期前訂座.我地坐嘅係圓形台, 半圓形嘅sofa出入有點困難, 但係, 坐下後卻能夠同心愛嘅人(sorry, 有點嘔心)更親蜜地享用美食. 所以, 我還是選了此等坐位.年輕的waiters有禮, 但略嫌有點流於表面, 並未能讓人有一種"賓至如歸"嘅感覺. 因為我同bf都唔飲酒, 當告知waiters時什至有點被鄙視嘅感覺. 不過始終, 我係嚟食嘢, 如果service唔太差而啲嘢又好食嘅話, 我都係一定會再嚟其貌不揚嘅麵包, 但係非常好食. 特別其中一個合桃堤子包, 連我一向唔食堤子乾嘅人都幹掉一個!法國火腿伴melon. melon好甜. 不過hams始終都係愛食西班牙的多一點.法式焗田螺. 一上菜, wa, 10個香, 好有一種唔打得都睇得嘅感覺!
首先申報, 舊hugo's我從未到過, 所以, 對此"老店"並無情意結.
對於從新再開嘅hugo's, 之前睇食評見好壞參半. 唔好嘅原因, 好多都係因為覺得新舊對比下有一種新不如舊嘅感覺.
是晚係第2次到此"老店"用餐. 第一次嘅用餐回憶感覺良好, 所以總想再嚟一次. 無耐呢間餐廳每星期五及公眾假期前夕都異常難book位. 是夜我亦早於3星期前訂座.
我地坐嘅係圓形台, 半圓形嘅sofa出入有點困難, 但係, 坐下後卻能夠同心愛嘅人(sorry, 有點嘔心)更親蜜地享用美食. 所以, 我還是選了此等坐位.
年輕的waiters有禮, 但略嫌有點流於表面, 並未能讓人有一種"賓至如歸"嘅感覺. 因為我同bf都唔飲酒, 當告知waiters時什至有點被鄙視嘅感覺. 不過始終, 我係嚟食嘢, 如果service唔太差而啲嘢又好食嘅話, 我都係一定會再嚟
其貌不揚嘅麵包, 但係非常好食. 特別其中一個合桃堤子包, 連我一向唔食堤子乾嘅人都幹掉一個!
法國火腿伴melon. melon好甜. 不過hams始終都係愛食西班牙的多一點.
法式焗田螺. 一上菜, wa, 10個香, 好有一種唔打得都睇得嘅感覺! 用kim慢慢夾起田螺, 再用小叉輕轉出來. haha, 忽然想起一些電影橋段, 窮家女到高級餐廳食田螺, 因為唔識點食而引起嘅總總笑話. 幸好, 是夜並無任何笑話發生. 至於田螺嘅味道則是一般. 無預期中咁好食.
龍蝦湯是在堂前預備. 司傅會推出餐車到你台前煮熱. 入口香濃. 好多時唔太好飲嘅龍蝦湯都有一份微微嘅"那喉"感覺, 但呢度完全無. 小小蔥花亦能為這湯加上點點色彩.
牛仔肉. 肉質較牛扒滑, 好"林", 但肉味唔太重.
蘋果酒豬扒. 豬扒嘅quality上乘. 一切開睇倒一條條嘅組織同肉汁, 已經令人胃口大開. 蘋果酒嘅味道中和咗豬嘅"溜", 兩種味好夾! 自己向來都係一個"邊人", 即係食咩都鍾意食邊. 呢件豬近骨位有一舊肥肥地嘅肉, 一放入口, 即時o嘴! 好好好好味!!
一個main course可以選配兩個side dishes. 我地要了薯條; 菠菜; risotto同薯蓉. 薯條係粗嗰隻, 炸得好香口! 薯蓉超級好食, 一入口好滑, 好大奶味, 我一個人食晒! 反而菠菜同risotto就好一般. 下次應該要晒4個薯蓉, haha
本身好鍾意食栗子. 見dessert menu有一個名為栗子山, 唔使諗, 就呢個啦. 栗子蓉下係雪糕. 本來對我嚟講應該係天作之合. 可惜, 酒味都幾強烈, 所以.....
壓軸嘅當然係bonbons. 一陣輕煙過後, 見到嘅係一粒粒朱古力脆皮包著雪糕~ 一啖一粒, 為是晚嘅美味晚餐劃上句號.
要一支penna, 埋單$1,800. 又要諗定幾時要book位喇~
p.s. 店內無toilet, 要共用酒店大堂那一個. 路程對於老人家及行動不便嘅食客實在有點遠.....
張貼
