唐宮壹號 (已結業)

這兩星期食神星拱照，全因姨姨從美國回來探親，每晚同大伙兒到處食好嘢。今晚輪到姨姨的好友請客，我幫他於唐宮壹號訂了一圍13人的酒席($5100元全包)，仲有間好大的private room。菜式保持精緻美味，值得向大家一再推介。新張期間，每位奉送半隻紅繞乳鴿，水準保持係極高水平，厚肉，皮脆肉嫰，必食。有着濃厚的利苑影子，湯料多到一隻大碟都裝唔哂。啖湯好香魚味，再加埋雞腳真係甜上加甜。魚子醬焗軟殼蟹，軟殼蟹size好大，每位半隻都仲覺得好好肉。炸到外脆內軟，至於魚子醬，其實即係蟹籽。生菜墊低一齊食，味道清新而且食得方便，不錯的配搭。海老虎斑好大條，啲骨位好嫰，肚位太厚肉，某啲部份比較鞋。始終都係一斤左右的魚才最好吃。腿汁扣花菇關西遼參，遼參都ok大條，炆得好腍好入味。腿汁不會死鹹，花菇厚肉大隻，清碟無難度。龍蝦湯步步米大家都讚好，龍蝦湯好香濃，炸米亦香脆，不過我就嫌有啲痴牙。一品燒鵝酥造型精緻，酥皮夠脆，燒鵝餡料亦夠惹味。終於輪到我最喜愛的黑松露菇菇包，包身鬆軟，充滿着黑松露及菇的香味，必食！健康紫薯壽包就麻麻地，包身硬，紫薯味有啲假，no good。平均$400元一位，有大大間priva