至尊燒 (已結業)

近兩年廣華街一帶成為旺角食宵夜的首選，在眾多糖水舖中發現了一間串燒店，即管一試！小店的枱不多，一字排開，尚算舒適。店雖小，但選擇頗多，兩個人叫了近二十款串燒，仍未試晒。海鮮類的選擇不多，有蝦、芝士蠔、帶子、多春魚等，點選了帶子和多春魚。帶子是放到碟上然後直在擺在爐上烤，所以保持肉汁不會乾身；多春魚則一般般。肉類方面點了台灣一口腸、雞軟骨、牛舌、雞全翼、牛肉、煙肉蕃茄仔、牛筋丸、燒賣etc．．．．當中以台灣一口腸最有驚喜，外脆內軟，食落「卜」一聲。雞軟骨、牛吞等亦能保持「咬口」，不會乾或韌。煙肉蕃茄仔的外層煙肉，燒到煙肉邊邊的脂肪有少少脆但又不會硬，一啖咬落去立即「爆漿」，很爽，必食之選!蔬菜類首推茄子和蕃薯！一般串燒店都會切片燒，但此店全部原條開邊燒。茄子長如前臂，上枱前老闆將之切細方便進食，夠細心，配上微微燒焦蒜蓉夠香口；蕃薯開邊上枱，用叉挖來食，好有去BBQ的感覺。值得一提的是老闆好細心，每次只上６－８串，串燒不會擺至攤凍。有些等外賣的客人不停催促追單，老闆好有性格地保持燒烤速度。咁又係，唔通加大火燒快啲俾你咩，食嘢係要耐心等㗎。店內還有自製羅漢果茶，今次掛住飲汽水，下次試吓先。有