嘉年華吧 (裝修中)

去過麗豪好多次。 知佢有間吧在地下， 最近才知有另一間吧在一樓又有會員優惠，即管去試吓。 六點半在左去到， 好清靜，只有一個侍應和一枱客。 小雲小吉坐在卡住，點了個二人餐。 傾吓偈， 飲吓嘢，玩吓扭計骰，看人玩飛標，幾寫意。 大概 15分鐘，湯，前菜，都來了。 看來應該是樓下意大利餐廳或越南餐廳拿上來的混合體， 但味道也不錯。 前菜還未食完，主菜又來了。黑豚肉燒得幾好， 很滑，肉味也香濃。黑椒芝士焗西冷， 真的有點強差人意。 其實牛排只焗到七乘熟， 但已經又乾又鞋，食柴皮一樣。黑白奶凍十分驚喜， 十分香滑，不過稍為甜了一點。 至於美式芝士餅， 最好唔好試。