屋子 (已結業)

早幾日同朋友去咗將軍澳屋子傾計💬因為大部分人對佢嘅評價都好正面，所以我bookmark咗屋子好耐！呢度平日唔算多人，環境亦好舒適。一個定食連加1百幾蚊左右，唔算太平，但食物質素就幾好！我哋叫咗壽喜燒牛肉定食，同埋牛肉柚子沙律烏冬，佢嘅份量都幾多，尤其係d牛肉，估唔到會有咁多！以我一個男士嚟講，都好夠飽！好多女仔會選擇坐係出面嘅和式餐枱度打卡，而且仲會叫佢最出名嘅戚風蛋糕🍰嚟食。有機會我都會想同女朋友嚟試吓！