屋子 (已結業)

~小倉抹茶戚風蛋糕配白桃烏龍茶（下午茶）🫖 ~戚風蛋糕口感軟熟帶少量濕潤；淋係面上嘅抹茶奶蓋清香唔膩，令蛋糕層次更豐富，相信好抹茶嘅朋友仔會鍾意～白桃烏龍茶一直都有飲開，雖然佢係茶包沖開，但茶濃且自然甜味，香氣十足。——————————————————📍屋子（將軍澳店）將軍澳澳南海岸唐俊街23號MONTEREY Place地下G16號舖#香港 #hongkong #cafe #打卡 #dessert #甜品 #戚風蛋糕 #抹茶 #macha #cake #將軍澳美食 #香港美食 #uchi #屋子 #下午茶

今日最後一日PC 狗主題限定，打算同朋友去試下,但真係好難食,叫左個壽喜燒定食同冷面定食,果冷面同open rice 果樣唔同樣,果壽喜燒d肥牛碎哂😫,果杯西柚梳打無味好似飲水甘， 西柚蓉無味， 連一d甜味都無😑，個麫豉湯好淡，果甜品上面係幾粒戚風蛋糕粒,下面係一pat pat cream🙈， 懷疑自己係食緊咩甜品，pc 狗嘅戚風蛋糕同白卷蛋算係最好食果個，打算食完去打卡位影相，但兩邊都係客，根本入唔到去影相， 總體覺得，下次都唔會再想食🙈，真係好失望， 見到人手應該唔夠

#Pochacco出道35周年終於有時間同啊仔嚟屋子Cafe 聯乘 PC狗嘅期間限定店，把握最後兩日！去影相打卡📷📸當然唔少得order主題菜式🤩Pochacco嘅蔬菜咖喱飯定食🍛 $108成個PC狗造型上台嘅日式咖喱飯，唔會辣，小朋友都啱食！鮮奶油純白卷蛋🧁 $92立體感十足嘅純白PC狗，小朋友急不可耐拆解佢香蕉奶蓋椰子水🥥 $78厚厚嘅奶蓋，好似食緊雪糕咁，好creamy 另外叫咗Tea sets 每款都跟沙律飲品，超抵食🤤 $68✨蘑菇奶油忌廉意粉手速最快嘅小朋友，一上枱已經搶食了奶香撲鼻，條條意粉都沾滿醬汁，口感一流✨迷你丼定食可以揀三款淺嚐三文魚子，關西牛肉，鰻魚各有特色🍰巴斯克蛋糕 $58呢款季節限定嘅芝士蛋糕，香濃芝士口感🧀又唔覺heavy

朋友喜歡Pochacco,所以今次見面就去咗呢度第一次來屋子,原來入面都幾大,落單上菜速度也快,服務員態度也友善主食方面就正正常常,朋友叫的三文魚子鰻魚份量就比較少, 我叫了咖哩吉列豬扒湯烏冬,咖喱可以分開上吉列豬味道也不差,不用點沙拉醬也ok,鳥冬份量很夠另外叫了小孩餐的雞便當（有牛奶飲）比孩子,本身雞味道已不錯,如果面頭的沙律醬分開上會更好甜品當然有叫Pochacco開心果流心雪芳蛋糕,比預期做得出色喔（其實冇乜期望）流心開心果味也濃郁另外叫了黑糖珍珠奶蓋souffle,連souffle本身也是黑糖味,另外有一球雲尼娜雪糕很抵食

平時少機會去將軍澳，今次見有PC狗聯乘cafe，特登同朋友走去食，諗住食完順便行街。大概1430到餐廳，要排隊都好合理。排隊期間見到好多枱似係食到尾聲但瀨死唔走嘅感覺。不過舖頭大，我哋都好快入座，點知就係伏嘅開始…因為唔俾用截埋時間嘅相，所以只能敘述。根據收據，落單時間係1451，我同朋友各叫咗1個正餐/1個甜品/1杯飲品，甜品後上。當中一個甜品同飲品都係PC狗相關。朋友杯飲品好快就到，但PC狗嘅香蕉熱牛奶要1519先到，嚟到嘅時候仲要係凍嘅。唔明點解要用咁多時間先上到枱。雖然係凍但香蕉味好濃，等到1522，正餐都到齊，可以開餐。烏冬煮得好食，有咬口。個人建議如果叫青檸梅子湯烏冬，記得拎起啲青檸，後續會食到青檸皮嘅苦。食咗15分鐘左右，叫上得甜品。知道佢甜品要30分鐘，所以我哋耐心等到1605先催單，侍應話甜品要耐少少。於是我哋等多10分鐘，再叫侍應，個侍應竟然話你哋甜品後上，唔叫係唔會上。當然果刻出聲同佢反映我哋半個鐘前已經叫咗可以上。個侍應先話我幫你哋轉加快。結果PC狗甜品嚟到係1637，朋友嘅都係未到。我諗唔係朋友叫取消，佢係唔打算上俾你。甜品其實係幾好食但係當下心情係想快啲食完

最近喺社交平台成日見到UCHI嘅廣告，見到朝日夫婦嘅日式刨冰咁吸引，成功燒到我衝入將軍澳店食一波！（因為得將軍澳店有刨冰⋯⋯可惡！） ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 覆盆莓牛乳冰 ($90) 本身想食杏仁油條冰同滬尾之戀，但落單嘅時候先知冇曬⋯⋯偷聽到隔籬枱都好失望 ( ･ᴗ･̥̥̥ ) 一場嚟到，惟有食仲有貨嘅覆盆莓牛乳冰啦 我對於覆盆莓味甜品嘅期望值=負數，皆因現時太多覆盆莓味嘅嘢都非常人工+藥水味，但出奇地天然？！淋面嘅覆盆莓汁好清新，甜得嚟唔係藥水味，甚至食到覆盆莓籽！清新嘅果漿配搭淡淡嘅奶香味，好似令味蕾沖咗一次果汁涼 (∩˃ω˂∩) 刨冰鋪得非常實淨，居然喺我影咗10+分鐘後都未開始融，好強！食落依然係非常綿密嘅口感，更強了！ ⟡ 開心果流心戚風 ($95) 嚟之前知道有帕恰狗聯乘甜品，但一心諗住食刨冰，冇乜留意，結果冇刨冰！決定嗌一個開心果味嘅甜品安慰下自己，蛋糕做得一般，但開心果流心非！常！好！食！非常濃郁嘅開心果味（但都有陣幾勁嘅白朱古力味），很厚實嘅質地，仲有上面超可愛嘅帕恰狗牛奶布丁！但冇味的 (´•̥ω•̥｀) 不過見佢咁可愛就放佢一馬啦

一入門口，限你坐邊度，不能自己選坐位，兩個人一定要坐一張枱兩個位，拍多張枱都唔得，閒日去，冷氣又唔開，服務水平差，全大媽，不懂招呼客人，。食物不用多講，叫咗個醬油鯖魚定食，極咸，好難食，差差差。負評

今次係試咗呢間嘅甜品覺得佢哋影相好靚打卡一流佢哋嘅甜品唔會死甜 唔會太多糖 因為有時食得太多糖都會好滯 食完晚飯嚟呢度食個甜品超爽🩷🩷叫咗一個榛子蛋糕榛子味好濃郁個醬濃濃朱古力加榛子超夾環境好闊落，唔算好多人 少少去咗日式小居酒屋嘅感覺

完全感覺唔到「屋」的感覺。只覺得是冇心機做，食物有一部份還可以，但營運和服務質素都好差。今日下午3半左右入到去落單，4個人等左好耐，主題PC狗飯唔上，無啦啦上左一件PC狗蛋糕，然後足足等左45分鐘，狂催之下飯才來。餘下的蛋糕，都要在狂問之下，最後等左一個鐘有多先來。最差的是，想自助倒水飲…隻隻杯都好污糟，餐具洗得好求其。嬲到費事飲水！其實，想做日式餐廳，要有家既感覺，清潔衛生方面，係唔可以咁「拿西」架，完全睇唔到個heart。如果等咁耐先上菜，一切都好乾淨、食物好味、我願意等，可惜唔係。「大媽」感覺的waitress服務一般，做甜品水巴的員工好忙。聽到隔離枱投訴上錯飲品？定係飲品冇味… 唔怪佢地，可能真係忙裡出錯、漏單、整錯野… 要怪就怪佢地公司請唔夠人。老實講，唔夠人，要請夠人。人是一間公司和業務的靈魂。P&L砌唔掂請多點人手，咁你就租個細d既舖，少d枱咪唔洗驚做唔切，或者cut單截人。依家真係好核突。洗返乾淨d餐具先啦唔該！

由大圍和將軍澳屋子我都有支持，一直覺得屋子是一間悠閒的cafe，食物質素不嬲都有啲期望，但是食完呢一餐真係非常失望，服務同食物以為自己去咗茶記。今次叫咗個壽喜燒牛肉鍋同蕃茄奶油燉雞，壽喜燒個湯完全冇壽喜燒嘅味道，比較似昆布高湯，而且牛肉得面嗰幾塊係完整，下面啲牛肉似係用剩嘅碎料，，可以睇下圖另外，蕃茄燉雞個汁味道幾中和，但係啲雞比較似係烚完再擺返落去撈，雞肉唔係好入味，對呢個餸都幾失望。第三，本身個餐包埋甜品，但係原來甜品就係一大杯cream再加幾粒海綿蛋糕，啲蛋糕粒似係整完甜品之後整返落嚟嘅料，個甜品俾人感覺超級求其…喺侍應態度方面，之前嚟屋子都有班後生嘅店員，一直都感覺非常良好。但係今次嚟全部變晒一班中年大嬸，唔係話唔支持佢哋出返嚟做嘢，但係比我嘅感覺就好似去咗茶餐廳咁，當眾對同事大聲呼呼喝喝，叫佢哋落單嘅時候其中一個同事很不情願，要我哋等佢另一個同事幫其他兩台落完單先到我哋。再者，到我哋差唔多食完，但係仲有個甜品未食嘅時候，有個職員即刻過嚟收走成個餐盤，其實去cafe食嘢使唔使咁趕呢？咁同佢食快餐店其實冇乜分別。希望屋子可以改善吓佢哋啲態度，完全冇晒去cafe嘅感覺。

在將軍澳的屋子，我都幫襯過超過6次，但今次的用餐經驗真是令我非常失望及慨嘆。今日放假下午時份來到屋子計劃飲品野食件蛋糕，一開始我地二人都有詢問過可否坐角位的四人枱，之後店員都說可以，於是我地就坐低，之後想搵店員落單，有一位店員過來，聽了一杯飲品order之後，又話要叫另外店員過來，又話要拎機落單又話搵另外同事再落單，聽完後我都冇問題且我可以等，但之後都沒有安排同事過來，要我呆等？！這是什麼服務？最後再叫了一位帶眼鏡好長髮的女士過來，之後過來落單，部機放在客人枱上，再大聲問我地幾多位，我地話兩位，佢話要拎開你張枱先，你地兩個人，我心想，你地同事又話可以俾我坐四人枱，但餐廳又晤算太多人，真是不明白，如果真是太多人，我都晤會霸你張枱，我一定會放番俾你，最後可能見到我地都好似冇咩反應，佢最後沒拎我張枱，其實我地都晤係太抗拒，但麻煩啲店員對客態度要禮貌啲囉！我又冇話晤俾番張枱你？！店員態度好似茶餐廳般點都要先吼下你先，落完單後黑口黑臉轉身走，我以為去咗茶餐廳，冇晒以前文青cafe的風格，之前有活力及有禮貌的後生仔女店員都消失晒，餐廳好似俾人頂手或讓盤？！等待食物飲品時，見周圍都有其他客人舉手都睇

實話實說：環境靚嘅，有用心整過，但係食緊嘢嗰陣有隻蚊飛來飛去。甜品真係OK唔錯，叫咗兩個PC狗蛋糕，我覺得都好好食，開心果醬好濃郁。但係將軍澳呢間真係唔知點解水準差D？我第一次食大圍嗰間分店，叫咗個三餸定食，我覺得幾好食，亦都夠味，但係今次將軍澳真係差咗啲，首先個蕃茄奶油燉雞無論係肉定係汁都係非常淡非常水，雞肉質地都係普通，白飯都係平平無奇，個中華沙律都係好普通，完全對唔住成百蚊嘅價錢。跟住我朋友叫咗嗰個豚肉拉麵，我食咗佢一塊豬肉叉燒，啲豬肉韌到一個點，仲有一舊咬唔爛嘅筋（？），我就冇食到佢個麵，但係聽朋友講話好鹹。一個又鹹一個又淡，唔知想點。我寧願食一汁一菜（觀塘某間日本定食餐廳）我哋邊食就邊吐槽，好彩最後食返個靚甜品救返心情。甜品雖然好食，但係都成百蚊一個（因為係合作甜品），所以都係唔抵食。所以有一個結論，就係下一次食屋子淨係食甜品好啦🙏🏻睇吓佢未來會唔會進步啦。

食物味道合格only, 無咩特別。呢個價我expect更加好嘅甜品質素。如果4x-5x我都算，收9x一個甜品又唔係好食就真係唔值得。另外成餐飯最令人失望係出餐，頭兩個都30個鐘內出咗，食完係咁等，等咗半個鐘個三文治都未到，我就問一問，點知態度勁無禮貌係咁講個三文治一個一個整要時間。但係我等咗成個鐘都未上餐……我想取消點知佢話3-4分鐘就出，我又等10分鐘終於出黎，但係啲粉洒到咁……好失望再加埋成個環境好嘈，啲大媽工作人員係咁嗌黎嗌去，我以為去咗酒樓。應該唔會再去了～

諗住去試pochacco蛋糕同刨冰，排咗四、五十分鐘隊入到去，點知Pachacco系列嘅乜嘢都冇哂，又唔做做地同人講，等人哋食完諗住叫甜品先同人講，乜嘢都冇！見到好多人都不滿安排。加上而家啲職員好似變咗食茶餐廳咁大聲喺餐廳入面叫同講嘢，食物環境職員質素差左好多，咁樣管理嘅餐廳，搵人幫手寫幾多稿都無用喇！

睇到寫住晚上10點關門8點59分去到想食個甜品話唔俾入麻煩寫清楚9點唔再做生意越做越差 係咪準備唔做遲下冇生意唔好怪人唔幫襯咁樣既員工 老闆唔理只會影響你自己間鋪啊