京滬佳餚 (The LOHAS康城) (已結業)

假期與家人飲下午茶，環境裝修舒服，光線充足，整潔乾淨，部份座位睇到溜冰場，當日應該中央冷氣有問題，坐落有點熱！可能週日關係，侍應十分之忙碌，茶壺加熱水需要等候！蘿蔔絲酥（三件）$ 58外脆內鬆軟，羅蔔絲佔餡料三分之一，味道非常好。墨魚炸蝦餅 $ 68墨魚膠及蝦膠份量都好足料，少少彈牙，有口感，唔油膩。上湯翡翠苗 $ 88上湯底味道做得幾好，翡翠豆苗新鮮，原粒蒜頭炸過，都非常好味。瑤柱蛋白炒飯 $128炒飯炒得非常乾爽，每粒白飯及配菜粒粒分明，乾瑤柱碎分量多，味道非常好。嫩雞煨麵 $88湯底味道非常鹹，雞肉粒韌，上海麵有質感。