C1 Café Bistro (已結業)

星期六下午同朋友一齊食飯聚舊，1點半到黎到，唔洗等位，環境都算寧靜。午餐選擇都好多，有6款揀，價錢由58蚊到118不等，每個餐都有餐包，餐湯，主菜同餐飲。餐包好鬆軟，湯有分蕃茄湯同埋忌廉湯，前者蕃茄味好重，好好味。鮮魷魚蘑菇意大利飯:意大利飯細細粒好軟身，食落煙煙靭靭而且好Creamy，蘑菇同魷魚都好多，芝士味唔算濃，味道不錯。粟米蜆肉意大利粉:意大利粉既生熟度剛剛好，材料除左粟米蜆肉之外仲有好多蘑菇，好足料，個汁煮得非常入味，份量都幾多下。食完主菜之後餐飲揀左要熱咖啡，味道香濃，值得一試。