荔園﹒流金歲月 (已結業)

今日星期日同屋企人去D2 place 1期度食午餐，因為肚子唔係好餓，所以叫左唔係好多食物。有以前荔園既過山車做左食客餐檯，同好多懷舊野，仲有磅重機及炮谷機，不過我小時候都常常到荔園，說實在就無咩令我好勾起回憶，因為荔園經典有好多，例如擲階磚、恐龍屋、鬼屋、拍賣場、天奴象等等既代表都無展現係餐廳內，但裝潢都算好有心，好靚既。而食物方面：1）廈門炒米：都算炒得乾身，份量都多，料頭及蝦仁都適中，味道中上賣相都不俗。2）乾炒叉燒河：鐵鍋勝在夠熱，河粉算乾身，唔夠鑊氣，味道合格。3）炸蝦🍤芋泥：味道唔錯，炸得脆身唔油，蝦都大隻夠咬口，餡料充足。