芽莊越式料理 (新城市廣場) (已結業)

Weekend放假同男朋友去食晚飯，想食得惹味啲，但又唔想咁飽飽濟濟～於是揀左係沙田新城市七樓上面間芽莊。芽莊主要食越南fusion 菜,裝修幾modern～派飛仔形式等叫號碼入座，兩個人晚餐時間等左10-15分鐘到就有位喇～前菜叫左個燒大蝦柚子沙拉，隻蝦好大隻！好足料，柚子好多汁，酸酸味味好開胃！仲有加入腰果，爽口超夾!另外小食仲叫左個軟殻蟹米紙卷，一份有四舊，紙卷除左有熱辣辣香脆的軟殻蟹，仲有大量青瓜甘荀米粉生菜做涵料，清新可口！推介！主食叫左個燒牛肉撈檬，份量超多，可以share 食，牛肉燒得唔會太乾仲有大量拌菜，同樣清新不油膩！