第三站

星期日想同friend聚一聚，好多地方星期六日都有交枱時間，想傾多一陣都唔得。喺OpenRice搵咗呢間樓上Cafe，見到有board game玩，啱晒想消磨時間嘅我哋。*只要唔揀意大利飯，就唔會出事*意大利飯唔係太掂。啲飯粒黐實哂，一嚿嚿咁，外面幾粒腍嘅包住一粒硬嘅，其他嘢食普普通通，不過不失。嘢食份量足夠，對於細食嘅女士嚟講會食唔晒。值得一讚嘅係薯條，即炸好新鮮，夠晒脆。餐廳環境舒適，乾淨企理，board game 種類齊全，非常適合同friend一齊消磨時間。