影片
更多
2006-07-11
6 瀏覽
趁假期又起到身, 同老豆老媽黎飲茶. 呢間十點先開門, 我地係頭幾檯客之一, 可以坐到卡位. 座位舒服, 感覺上比較有PRIVACY, 每個卡座仲有部電視機仔, 都幾周到.睇睇點心紙, 價錢都幾貴, 不過有十款八款特價點心, 好似只賣$9.8, 望落都幾岩食, 費事諗, 就響果度揀幾樣, 又符合兩老的經濟原則.百花釀金錢, 其實係蝦膠釀冬菇, 清清地, 都幾岩口味.炸流沙奶黃包, 個皮好脆, 內餡味道都好, 不過係凍既, 都唔知係專登還是未熱透.潮州煎芋餅質感太實, 麻麻.韮王帶子腸粉預左帶子份量少, 少得黎仲要好韌, 不過腸粉本身好軟滑, 老豆要ENCORE添.素菜包個皮又係幾鬆軟, 不過餡料唔多夠味.點心質素大致上都過得去, 坐得舒服又唔駛等位, 都係一個假日嘆茶的好地方.
睇睇點心紙, 價錢都幾貴, 不過有十款八款特價點心, 好似只賣$9.8, 望落都幾岩食, 費事諗, 就響果度揀幾樣, 又符合兩老的經濟原則.
百花釀金錢, 其實係蝦膠釀冬菇, 清清地, 都幾岩口味.
炸流沙奶黃包, 個皮好脆, 內餡味道都好, 不過係凍既, 都唔知係專登還是未熱透.
潮州煎芋餅質感太實, 麻麻.
韮王帶子腸粉預左帶子份量少, 少得黎仲要好韌, 不過腸粉本身好軟滑, 老豆要ENCORE添.
素菜包個皮又係幾鬆軟, 不過餡料唔多夠味.
點心質素大致上都過得去, 坐得舒服又唔駛等位, 都係一個假日嘆茶的好地方.
張貼