金沙燒味餐廳

營業中

休息中

工廠區的確係工廠區，放假嘅時間仲要係夜晚，好多餐廳都閂咗門冇開檔。 做完嘢，想快快食個飯早啲返屋企，見到呢間鋪頭仲開門就走入去炒咗3個小菜食，每款都包埋大大碗白米飯。第一個，豆豉鯪魚油麥菜，無乜豆豉，鯪魚碎晒，但係味道還可以，油麥菜脆口，唔會一pat pat， 淋過頭。👌紅燒豆腐水準一般，冬菇細粒啲，都夠腍同有味，咁嘅價錢，無辦法就要將貨就價 。例湯要比4文，合掌瓜紅蘿蔔湯，鹹咗啲，但係畀錢嘅湯，料多，因為夜晚收檔之前都唔會留過夜，所以啲湯渣幾多。最後係椒鹽豬扒，份量算多，豬扒唔夠乾身，同埋唔係件件腍，有啲硬硬地，味道OK。