紅番茄餐廳 (已結業)

放假想搵間平平地嘅餐廳食個晏真係唔易，難得搵到間星期六仲可以50蚊有找食個晏，有湯有主菜有野飲，真係仲想點先？忌廉湯無乜特別，跟餐包反而唔錯，蒜蓉牛油味香。點左個簡簡單單嘅肉醬意粉，做得唔錯，意粉唔會話斷晒焾晒，仲好結實，芝士焗好香，性價比高。餐飲當然係例牌加2蚊轉凍飲啦。無得慳架啦。另外叫左個甜品，話晒假期吖嘛，芝士蛋糕都算唔錯。