柏寧宴會廳 I-VI

營業中

休息中

放假同朋友朝早去行紅香爐峰之後就搭車落翻銅鑼灣行下街，再去柏寧酒店食下午茶自助餐，但講起食依間自助餐，事情就要回帶到一個禮拜前，我同朋友都突然好想食自助餐，但全香港咁多間酒店咁多選擇，最後都係決定平平地試下柏寧酒店嘅自助餐。依間酒店嘅自助餐係official website 訂位會有八折優惠，但只限兩人以上訂位。先講講環境，我地係PLATY餐廳到食嘅，餐廳嘅裝潢以工英倫工業風為主，一面牆身有幅以塗鴉噴漆繪畫嘅名畫，整體都乾淨，唯一缺點係太多人，出入攞野食都有啲碰撞，比人踩到兩次，同埋座位有少少逼。食物質素方面，食物都有好多選擇，有龍蝦、生蠔、煎鵝肝、各種沙津菜，又有中菜點心、日式刺生、韓式炸雞、土耳其薄餅、印度料理等，仲有雪糕、甜品，好開心，有麵包布甸，整體都唔錯，有水準，又抵食。