帝景軒 (已結業)

最近開始放暑假，同全家人一齊諗住過左輕鬆開心嘅週末。見到帝景酒店推出緊promotion for 親子活動，所以就叫埋家姐帶埋佢嘅小朋友一齊黎玩返2日。黎到酒店，夜晚梗係唔少得自助餐嘅環節呢度嘅環境好舒服，雖然唔算好大，但座位都OK寬敞，都唔會好嘈。個日我比較遲食lunch，而個lunch 又好大份，所以去到夜晚都唔係好肚餓，真係有D唔抵。自助餐對於我黎講最正梗係甜品嘅環節～所以我只係食左好少主菜，集中用僅有嘅胃部容量去專攻甜品！一開始食左冷盤先。呢度有刺身，長腳蟹等等自助餐必備嘅食物。質素ok, 螺唔會好多沙。好快就去到熟食啦～因為實在太唔肚餓。呢度嘅燒烤區有燒粟米，黑毛豬同埋羊架。由於我唔食羊嘅關係，所以只係試左另外2款。黑毛豬真心推介～燒得好嫩滑，肉味好香，好快大家就搶晒黎食，要一攞再攞～雖然呢度冇我好鐘意嘅生蠔，但都仲有焗款代替。蒜蓉夠晒多，如果怕腥嘅人都不妨一試。食到一半侍應送黎左一人半隻焗龍蝦～大大隻，肉都幾爽口～本身唔想食主食，但見到呢個長通粉咁多芝士，就忍唔住夾左幾條黎試～蕃茄芝士嘅配搭真係幾正～到甜品嘅環節啦～佢呢度嘅種類都唔算少。有各種蛋糕，啫喱，雪糕等等，岩晒大人