橫水渡小廚

營業中

休息中

而家去唔到旅行， 放假都想出户外抖下氣， 大澳有好多嘢食， 又可以行山， 當然是一個好選擇啦。 依間餐廳我嚟過3次， 佢有四大名菜， 咸鮮蝦乾荷葉龍仔飯， 招牌香煎墨魚餅， 椒鹽脆皮豆腐， 炭燒燒鵝。 我每一次都會叫龍仔飯， 因為喺外面真係好難食到， 佢啲蝦乾好大隻， 加埋啲蝦醬蒸飯真係好香， 令你食完一碗仲想食第二碗。 椒鹽豆腐仔必食的， 因為佢裏面嘅豆腐真係非常嫩滑， 個皮炸得唔厚， 非常脆口， 外脆內軟的感覺是無法抗拒。 燒鵝和墨魚餅都好食， 不過係我嘅次選。 至於餐廳的環境， 類似梅窩長洲的地道中式食肆， 只是一般。