牧羊少年咖啡館 (已結業)

休閒小館，初次黎到都係同事帶我黎，日常午餐可能比較貴，一個午餐大概60-80蚊，但跟餐係配沙律同一杯40蚊以下餐飲。店舖原來位於荃灣大會堂內，所以平日可能唔太多人發現呀所以今日來試一試餐廳環境好舒服，座位都坐得幾舒服而且好有書卷味，順帶一提呢度有個活動，帶兩本唔要既書黎，可以換到一杯咖啡，係有意義既活動。今次我選左個日式燒汁雞肉意大利粉，同跟餐配左熱既棉花糖朱古力，連沙律成個餐就70蚊，中價既午餐，有時想放空一下，不妨黎呢度試下。跟餐配既沙律日式燒汁雞肉意大利粉，份量係普通女士既食量，男士可能會差小小，但味道唔錯，有食大板燒炒麵既感覺，係可以食出日式風味雞肉夠大舊，但唔算好滑既，因為有啲木魚絲，所以意粉到既時候佢地好有動感熱棉花糖朱古力朱古力係最推介既餐品，味道有啲似美綠，有埋棉花糖好甜。整體除左小資既小妹感覺午餐食有啲貴，其實味道唔錯，但偶爾放縱自己食一餐，黎休息下係唔錯既選擇。