The Coffee Academics (寧安閣) (已結業)

鰂魚涌早餐又想靚靚哋影吓相其實選擇唔多，所以起身就行咗去太古城果頭試吓呢間啦！因為我哋11:15去到，本身想叫嘅嘢食都仲未有得食，待應話要等到12:00先有，咁我哋就改為叫咗一份牛油果雞肉bagel同埋一份法式芝士火腿多士，之後再加咗杯Latte同凍朱古力，餐廳入面非常熱，好似冇開冷氣咁，好辛苦！坐喺入面完全感受唔到平時去coffee shop chill嘅感覺😅，食物大概5-8分鐘左右已經嚟齊，影完相就急不及待試吓好唔好味，我覺得味道唔錯，感覺好清新，雞肉感覺只用了少量鹽去烤焗，牛油果同bagel也是絕配！食落好健康，完全冇罪惡感！老公叫果份多士冇乜特別，不過亦都熱辣辣，賣相亦討好，Latte亦中矩中舉，反而朱古力幾好飲，朱古力味好香濃舖頭食物其實我覺得偏貴，不停如果諗住喺度坐耐啲同埋打卡就值得嘅，而且我哋入坐之後15分鐘開始人多，冷氣亦即時變返涼快，如果我冇乜特別事做，老公又唔係釀住要走，靜靜地玩住電話，又或者睇吓書其實都幾正。