影片
更多
2021-10-03
2082 瀏覽
放假同男朋友去食吓fine dining，呢間餐廳喺中環，環境幾舒服，食物又好食，唔怪之得假日冇晒office班客都咁多街外客。我哋就試咗兩個4-course dinner set，$428/位。鰻魚鵝肝凍批呢個配搭幾特別，最上面嘅係鰻魚汁啫喱，然後一層鰻魚一層鵝肝醬，食嘅時候可以沾上伴碟嘅青蘋果西芹汁，味道配合得相當好，中和左鵝肝同鰻魚嘅油膩感。黑松露焗蛋配36個月黑毛豬火腿黑松露焗版香噴噴，一片片嘅黑松露加上嫩滑嘅蛋白同唐心蛋黃，味道絕配，食嘅時候再同半碟嘅泡沫薯蓉一齊食，味道口感更加豐富。黑毛豬火腿味道甘香，油脂豐沃，食到舔舔脷。香橙甘筍湯呢個湯味道幾特別，甘筍原來同香橙味道非常唔夾，呢個湯味道好清香，濃稠度剛好，令人一口接一口咁飲。煎香辣劍魚腩配粟米莎莎兩件劍魚腩用慢火煎得好香，劍魚腩嘅油脂豐富，魚嘅肉質口感非常特別，唔似食緊一般嘅魚扒，似食緊煙燻嘅雞肉，嫩得來帶點紮實爽口。配上嘅香草汁味道清新，加上一啲蕃茄粒同粟米粒，味道清新。伴碟仲有一啲粟米莎莎，店員介紹係用粟米粉造成類似蘿蔔糕嘅嘢食，再炸香佢，頗為特別。香烤阿根廷安格斯肉眼配英式牛肉布甸店員介紹而家開始興食阿根廷牛扒，我
鰻魚鵝肝凍批
呢個配搭幾特別，最上面嘅係鰻魚汁啫喱，然後一層鰻魚一層鵝肝醬，食嘅時候可以沾上伴碟嘅青蘋果西芹汁，味道配合得相當好，中和左鵝肝同鰻魚嘅油膩感。
黑松露焗蛋配36個月黑毛豬火腿
黑松露焗版香噴噴，一片片嘅黑松露加上嫩滑嘅蛋白同唐心蛋黃，味道絕配，食嘅時候再同半碟嘅泡沫薯蓉一齊食，味道口感更加豐富。黑毛豬火腿味道甘香，油脂豐沃，食到舔舔脷。
香橙甘筍湯
呢個湯味道幾特別，甘筍原來同香橙味道非常唔夾，呢個湯味道好清香，濃稠度剛好，令人一口接一口咁飲。
煎香辣劍魚腩配粟米莎莎
兩件劍魚腩用慢火煎得好香，劍魚腩嘅油脂豐富，魚嘅肉質口感非常特別，唔似食緊一般嘅魚扒，似食緊煙燻嘅雞肉，嫩得來帶點紮實爽口。配上嘅香草汁味道清新，加上一啲蕃茄粒同粟米粒，味道清新。伴碟仲有一啲粟米莎莎，店員介紹係用粟米粉造成類似蘿蔔糕嘅嘢食，再炸香佢，頗為特別。
香烤阿根廷安格斯肉眼配英式牛肉布甸
店員介紹而家開始興食阿根廷牛扒，我哋試咗五成熟，覺得牛味OK，但係略嫌牛扒唔夠厚身，乾了一點，但係整體都唔錯。英式牛肉布甸用咗英國傳統做法，幾得意，我第一次食，一個焗得好香嘅麵包批裏面包着一啲有醬汁嘅牛肉粒，熱辣辣幾香幾好味。
燒焦糖班戟配蜜糖脆脆雪糕
店員介紹班戟上面用咗煉奶，焗左三個鐘，所以焦糖化咗，變咗微微嘅啡色，食落去就似一層薄脆加上軟綿綿pancake，味道好好，配上冰凍嘅蜜糖脆脆雪糕加上伴碟嘅蜜糖脆脆腰果，呢個甜品令人好滿足。
最後再慢慢嘆埋一杯飲品，好休閒咁渡過左一個晚上，食得好豐富滿足。
張貼
