影片
更多
2011-04-18
18 瀏覽
今日突然心血來潮想同女朋友食吓燒肉，諗諗吓諗起上次去過食晏嗰度，於是咪攞起佢哋上次俾我個張卡片咪打去訂位囉！臨急臨忙咁訂咗個位，估唔到去到仲有卡位。因為上次去到都覺得嗰度枱好少，今次坐到卡位又真係幾好彩！咁身為多口既我緊係有吹返兩句啦！原來聽佢哋講星期六日(即係我哋呢啲寫字樓人仕既假期)黎講係會容易啲訂到枱食晏既，當然佢哋都好圓滑去補充話遲啲可能難啲！今日唔洗返工，心情比較輕鬆啲，所以一坐底二話不說，就叫咗杯啤酒去啤啤佢！之後仲發現佢哋個drink list都幾多sake可以選擇，最估唔到係佢哋連wine list都有，你都咪話呀，日本餐好少會有呢啲嘗試呀！其實呢最主要原因係上次太過急趕冇去留意啫！睇住個sake list都唔知飲咩好，𢵧紅白酒就識𢵧啫，sake呀，佢識我我唔識佢呢！話哂放假，得閒都要放肆吓既！於是問佢哋有咩好介紹，佢哋話想飲好啲既，可以試吓枝「黑龍」，佢哋仲話係限定添呀！講真sake我邊度識飲，對我黎講最緊要都係好飲易飲！見佢哋sell到咁，於是咪叫咗枝試吓囉，估佢唔到又真係幾好飲囉，又有可能係杯啤酒有所影響啦，我都唔知！不過最緊要係我女朋友都話好飲囉！入返正題先「燒
臨急臨忙咁訂咗個位，估唔到去到仲有卡位。因為上次去到都覺得嗰度枱好少，今次坐到卡位又真係幾好彩！
咁身為多口既我緊係有吹返兩句啦！原來聽佢哋講星期六日(即係我哋呢啲寫字樓人仕既假期)黎講係會容易啲訂到枱食晏既，當然佢哋都好圓滑去補充話遲啲可能難啲！
今日唔洗返工，心情比較輕鬆啲，所以一坐底二話不說，就叫咗杯啤酒去啤啤佢！
之後仲發現佢哋個drink list都幾多sake可以選擇，最估唔到係佢哋連wine list都有，你都咪話呀，日本餐好少會有呢啲嘗試呀！其實呢最主要原因係上次太過急趕冇去留意啫！
睇住個sake list都唔知飲咩好，𢵧紅白酒就識𢵧啫，sake呀，佢識我我唔識佢呢！話哂放假，得閒都要放肆吓既！於是問佢哋有咩好介紹，佢哋話想飲好啲既，可以試吓枝「黑龍」，佢哋仲話係限定添呀！講真sake我邊度識飲，對我黎講最緊要都係好飲易飲！見佢哋sell到咁，於是咪叫咗枝試吓囉，估佢唔到又真係幾好飲囉，又有可能係杯啤酒有所影響啦，我都唔知！不過最緊要係我女朋友都話好飲囉！
入返正題先「燒肉」，當我哋諗住散叫既時候，咁又俾我發現番上次黎食過嗰個既set lunch，估唔到星期六都有！於是今日又睇住個set lunch黎叫個set啦，上次試完佢哋個一人前，今日緊係要試返個二人前啦！二人前一個係海鮮為主而另一個係肉類為主，我呢啲食肉獸緊係選擇後者啦，不過女朋友愛健康，只好聽聽話，叫了個生菜拼盤同埋雜菌拼盤啦！
set lunch真係好抵食（可以用抵食夾大件黎形容），未到主菜上都已經有成三四碟野食啦，你都咪話唔抵食。
到主角出現啦，個賣相都相當不俗呀！佢哋仲教埋我哋點樣去燒，不過聽完一輪，我都係嗰句啦，仲之有理冇理燒得既都放落去燒，對我黎講燒既過程重要過一切囉！燒燒吓至諗起有個雜菌拼盤同生菜拼盤未到，正諗住追吓之際，已經係我哋眼前出現啦！
最估佢唔到嘅係個雜菌拼盤跟咗個錫紙兜，佢哋仲話如果想啲菌好食啲，可以放啲菌落錫紙兜，燒到咁上下，至放番出黎燒，果然冇吹水，係得手既，不過啲牛油就少咗啲啫！
食到一半我女朋友已經叫哂飽飽啦，咁只好孤單作戰啦！食完仲有個甜品添！你都咪話唔滿足呀！
埋單都係三百幾四百蚊（如果冇叫酒的話）你都咪話佢貴呀！最重要係女朋友又食得開心，抵哂啦！
張貼